Me opozitën aktuale që ka përballë, viti 2030 do ta gjejë kryeministrin Edi Rama sërish në pushtet. Kështu e analizon gjendjen e opozitës në Shqipëri gazetari i njohur Nikollë Lesi.
“Unë kam bindjen se opozita është në gjendje kaotike, nuk jep shprese, s’jep frymëzim dhe me këtë opozitë Edi Rama ka vitin 2030 në pushtet. Mendoj se dha një dritë shprese në këto ditë që pati një bashkim, ku protagonist ishte Gaz Bardhi, por prapë se prapë me këtë opozitë nuk ka asnjë shpresë që të rrëzohet Edi Rama. Ka nevojë për një opozitë të re, lidership të ri, që t’i mobilizojë njerëzit”, tha Nikolle Lesi.
I pyetur për garën e Kukësit më 24 shtator, Lesi thotë së me gjithë skandalin e ndodhur, PS-ja ka shanse të fitojë sërish bashkinë verilindore.
