Kryeministri drejtoi vetë mbledhjen e përbashkët mes kabinetit qeveritar dhe grupit parlamentar këtë të shtunë.
Gjatë mbledhjes, Rama kërkoi që ministrat dhe deputetët të nisin një tur në të gjithë Shqipërinë nga java e ardhshme. Turi do të zhvillohet nën moton “Punët e Shqipërisë” dhe do të zgjasë deri në qershor.
Ai është konceptuar si një bashkëbisedim mes përfaqësuesve të qeverisë dhe qytetarëve për çështje konkrete.
Takimet do të zhvillohen në bashkëpunim me pushtetin vendor. Synimi i këtij turi është evidentimi i problematikave të qytetarëve.
