Kreu i Autoritetit Rrugorë Shqiptar, Evis Berberi ka zbardhur disa detaje lidhur me projektin për zgjerimin e autostradës Tiranës- Durrës, gjatë vitit të ardhshëm.
I ftuar në “Vizion Plus”, Berberi tregon se segmenti i pare qe do te zgjerohet, fillimisht është nga kthesa e Kamzës deri tek mbikalimi i Rinasit.
“Për vitin që vjen ne kemi parashikuar një buxhet prej 2 miliard lekësh, për të nisur ndërhyrje nga kthesa e Kamzës deri tek mbikalimi i Rinasit. Bëhet fjalë për 5.7 kilometrat e para. Projekti ynë është që të zgjerohet me katër korsi. Një do të jetë e dedikuar për qarkullimin e mjeteve dhe një korsi emergjence. Në Durrës do të ndërtohet marina dhe porti i ri në Porto Romano,ndaj zgjerimi është i domosdoshëm”, u shpreh kreu i ARRSH.
Nevoja për të ndërhyrë në këtë segment, vjen pasi në pikun e sezonit turistik në këtë rrugën qarkullojnë deri në 90 mijë mjete në ditë, nga 30 mijë që është bërë parashikimi.
