Të shumtë ishin ata që zgjodhën të pushojnë në Shëngjin këtë fundjavë. Kryesisht janë pushues nga Kosova që zgjedhin këtë bregdet për disa arsye.
Qetësia në këtë periudhë, çmimet më të favorshme duket që janë dhe arsyet se pse vizitorët dhe pushuesit nga Kosova kanë zgjedhur Shëngjinin këtë fillim qershori. Vija bregdetare është pastruar nga bashkia kurse hotelet kanë kapacitetet e nevojshme për të pritur pushuesit.
“Çdo herë vij një javë me pushime në fillim të qershorit, më pas vij në korrik ose në gusht. E ka falur zoti këtë bereqet, bukuri që nuk e ka kush në Evropë”, ka thënë një pushues nga Kosova.
