Ilir Meta një ditë para protestës ka akuzuar kryeministrin Edi Rama se po tenton të fshihet, për të mos dhënë llogari përballë militantëve demokratë.
Meta tha se populli e ka marrë vendimin për ta larguar Edi Ramën nga pushteti. Opozita vazhdon të mbajë “të karikuar” elektoratin e saj me shpresën imagjinare për të “Rrëzuar Edi Ramën” nga qeveria. Fillimisht u premtua që përmbysja do të vinte në “shtator” por iku vjeshta, po ikën dimri dhe opozita vazhdon me të njëjtin avaz të vjetër.
“Fshehja e dëshpëruar e Edi Ramës dhe shmangia e llogaridhënies me shpresën se mund të kalojë situatën, janë iluzion i një të mbyturi që mendon se mund të kapet pas fijes së barit. Populli i Shqipërisë jam i bindur se e ka marrë vendimin, ai s’mund të lejojë kurrë që Edi Rama ta trajtojë zyrën e Kryeministrit si çerre mafioze dhe vatër korrupsioni. Populli ka vendosur që Edi Rama të largohet një orë e më parë si një mafioz”, tha Meta.
