Qindra tifozë kuqezi kanë mbushur rrugët e Dortmund për ndeshjen e sotme mes Italisë dhe Shqipërisë për Kampionatin Europian.
Media italiane “Ansa” shkruan për numrin e lartë të tifozëve shqiptarë që kanë shkuar në Gjermani për të mbështetur Kombëtaren Shqiptare.
“Pushtim kuqezi në Dortmund! Tifozët shqiptarë, të zhurmshëm dhe energjik, po mbushin rrugët e qytetit gjerman që të çojnë drejt stadiumit”, shkruan Ansa.
Edhe pse ka ende një ndeshje për t’u luajtur, tifozët shqiptarë shumë të gjallë, po mbushin rrugët e qytetit gjerman që të çojnë në stadiumin e Borussia.
Përveç tifozëve të veshur kuqezi, të shumta janë makinat që po animojnë pasditen e kësaj të shtune në qendër të Dortmundit me bori, muzikë të lartë dhe shalle, flamuj të të gjitha përmasave të Shqipërisë. KETU SHIKO VIDEO-n:
