Sali Berisha u kërkoi demokratëve që të ngrihen ashtu si 30 vite më parë kundër diktaturës duke theksuar se Edi Rama ka rikthyer monizmin në vendin tonë.
Saliu u shpreh se Edi Rama është armik i lirisë së shqiptarëve, duke brohoritur mes demokratëve “vdekje monizmit”.
“Ky armik i lirisë sonë, ky armik i votës tuaj, nuk njeh ligj, nuk njeh kushtetutë e moral, nuk njeh asgjë dhe është vërsulur me makinerinë e narkoshtetit të tij të rrëmbejë shqiptarëve votën, së bashku me votën edhe dinjitetin, shpresën, besimin. Miqtë e mi pas Enver Hoxhës, Edi Rama është armiku më i egër i lirive tona. Edi Rama me rrëmbimin e votës ka vendosur monizmin. Ka rikthyer monizmin e plotë. Ju ftoj të brohorasim si 30 vite më parë, kur përmbysëm diktaturën. Kur brohorisnim vdekje monizmit”, tha Saliu.
