Pasi Tedi Blushi konfirmoi krijimin e grupit parlamentar te Partisë së Lirisë me deputetë “borxh” nga PD, edhe Fatmir Mediu deklaron se janë në bisedime me Berishën për të krijuar grupe te tjera opozitare.
Jo vetëm Ilir Meta, por edhe aleatët të PD-së presin që Berisha t’u bëjë nderin e fundit dhe t’i “qerasë” me deputetë demokratë për të patur grup parlamentarë dhe si rrjedhojë edhe më shumë financime dhe benefite në Kuvendin e ardhshëm.
Mediu konfirmoi bisedimet me PD-në qe mban hapur “merkaton” e transferimit te deputeteve brenda kampit opozitar.
“Kemi bërë konsultime ideja është që të ketë dy tre grupe parlamentare që të funksionojnë me qëllime dhe qëndrime të përbashkëta opozitare nuk mund të ketë grupe parlamentare që krijohen thjesht për ti dhënë hapësira për të folur, por për të vepruar në mënyrë të përbashkët. Qëndrimet që mbahen ne mbledhjen e Kryesisë së Kuvendit dhe sallën e Kuvendit kanë vlerë kur ka grupe parlamentare të ndryshme nëse janë qëndrime që koordinohen me njëri-tjetrin”, u shpreh Mediu për Top Channel.
