Armaldo Kllogjeri ose siç njihet nga të gjithë si “maestro” ka folur për herë të parë pasi fitoi gjyqin me Teatrin e Operës dhe Baletit.
Një muaj para se të përfundonte “Big Brother VIP”, ku Armaldo ishte konkurrent, drejtoresha e TOB e shkarkoi nga detyra. Nisur nga ana njerëzore dhe fitimin e gjyqit, ‘maestro’ bëri një kërkesë për kryeministrin Edi Rama në lidhje me këtë çështje.
“Unë kam fituar gjyqin për dëmshpërblim, jo për t’u rikthyer në punë, sepse procesin gjyqësor unë e hapa pasi kishte mbaruar afati për të hapur procesin për rikthimin. Unë do t’i them këtë: Zoti Kryeministër, përshëndetje! Duke qenë se ju keni qenë shumë herë iniciator i rregullimeve të marrëdhënies së punës për shumë qytetarë të Shqipërisë për padrejtësitë që u janë bërë që janë larguar nga puna, në rastin tim të shikoni konkretisht. Duke qenë se gjykata më ka dhënë të drejtë, atëherë është pa llogjikë që unë mos të kthehem në punë, sepse unë nuk kam bërë faj. Unë kam shumë nevojë për atë skenë. Dy vjet unë nuk kam marrë rrogë”, tha Armaldo.
