Kryeministri Edi Rama tha se këtë vit pensionistët po marrin një bonus shumë më të madh se ai i mëparshmi.
Duke ironizuar premtimet e opozitës, por edhe forcave të reja politike, që pritet të konkurojnë në zgjedhjet e 11 majit me alternativat e tyre, përsa i takon rritjes së pensioneve, Edi Rama tha se këta që ju thonë do ju bëjmë pensionet nga 500 euro dhe pagën minimale 1000 euro shesin “qylyma fluturues” si ato të Sudes dhe Rrapushit
“Nga vlerësimi i fundit i INSTAT, paga mesatare rezultoi më e lartë se ambicia jonë (900 euro) në sektorin publik. Atje ku rritet një pagë ka një përfitim më shumë për pensionistët. Është shumë pozitive që sektori privat po ndjek të njëjtin trend, por përpjekja jonë po rritet gjithashtu. Kemi të ardhura të rritura ndjeshëm nga formalizimi dhe prurjet në fondin e Sigurimeve Shoqërore, që do të thotë se kemi të gjitha arsyet për të qenë optimist për të nesërmen”, tha Rama
