Ka përfunduar seanca gjyqësore në GJKKO, ku ka kaluar për gjykim dosja e kryebashkiakut të zgjedhur të Himarës, Fredi Beleri.
Gjykata e Posaçme ka pranuar kërkesën e SPAK dhe tashmë fituesi i zgjedhjeve të 14 majit do gjykohet për akuzën e “korrupsionit zgjedhor”. Gjithashtu për këtë çështje i pandehur është marre edhe Pandeli Kokaveshi, i cili do gjykohet nën masën e ‘detyrimit për t’u paraqitur’.
Në këto kushte, edhe Beleri merr zyrtarisht statusin e personit të pandehur dhe të hënën (18 shtator) mbahet seanca e parë gjyqësore. Në një deklaratë për mediat, avokati i Belerit është shprehur se seanca gjyqësore do të zgjasë dhe nuk është e nevojshme që gjykimi të vijojë me Belerin në burg.
Pavarësisht presioneve nga Greqia, ne krahun tjetër kryeministri Edi Rama tha se “nuk do të ketë asnjë ndërhyrje prej tij duke siguruar që Drejtësia e Re ne Shqiperi do të bëjë punën e vet të pavarur”.
