Pas një takimi me në fokus bujqësinë që mbajti në Cërrik një ditë më parë, kryeministri Edi Rama po zhvillon një vizitë në Vlorë.
Kreu i qeverisë sapo ka mbërritur në bashkinë e qytetit, i shoqëruar nga ministri i Shtetit për Pushtetin vendor Arbjan Mazniku dhe kryebashkiaku Ermal Dredha.
Burime bëjnë me dije se Rama ka kërkuar të gjithë deputetët aktuale dhe ata të zgjedhur më 11 maj që të jenë prezentë. Në fokus të diskutimit do të jenë problematikat e qytetit turistik.
Kjo vizitë e Ramës vjen pak ditë pas 34-vjetorit të Partisë Socialiste, ku Rama dhe kryebashkiaku Dredha u vunë re në disa momentet të tensionuara mes tyre. Gjuha e trupit e kryeministrit në bisedën mes tyre, u interpretua si pakënaqësi ndaj punës së kryebashkiakut.












