Kandidati për Bashkinë e Tiranë, aktori Florjan Binaj, i ka shprehur mirënjohjen përmes rrjeteve sociale të gjithë mbështetësve të tij.
Florjan Binaj shprehet falenderues për mesazhet e shumta dhe përkrahjen që ka marrë, ndërsa ndihet më i motivuar për të vazhduar rrugëtimin drejt synimit të vetëm që është marrja e drejtimit të Bashkisë së Tiranës.
“Jam thellësisht mirënjohës për mbështetjen, fjalët e mira dhe energjinë që më keni dhënë këto ditë. Ndihem i përulur dhe i vetëdijshëm për çdo problem që përballon Tirana çdo ditë.”-shprehet Binaj.
Ai u shpreh se dëshiron të ndërtojë një marrëdhënie të drejtpërdrejtë me qytetarët, duke vënë në dispozicion numrin personal të telefonit dhe adresën e emailit për çdo ide, ankesë apo propozim.
“Dua të dëgjoj zërin tuaj. Çdo ide e juaja ka vlerë. Komunikimi është baza e ndryshimit.”-shtoi kandidati i Berishës.
