Sali Berisha i bëri thirrje demokratëve që t’i bashkohen protestës së thirrur më 6 dhjetor, datë kur liderët e BE-së do të mblidhen në Tiranë.
Pavarësisht përgjigjes negative së policisë e cila nuk i dha leje opozitës për të protestuar përballë Kryeministrisë për shkak se cënohet siguria kombëtare, Berisha zbuloi vendimin e tij duke thënë se protestuesit do të mblidhen në Bulevardin “Dëshmorët e Kombitë”, vend i cili nuk do të lejohet nga policia për të protestuar.
“Ne jemi në rrugë dhe shesh për të protestuar kundër Edi Ramës dhe regjimit të tij. Çdo demokrat dhe demokrate e ka për detyrë më shumë se asnjëherë tjetër të bëjë çdo përpjekje për tu gjetur në orën 12 në Bulevardin Dëshmorët e Kombit”, tha Berisha.
