Presidenti i i Francës, Emmanuel Macron, ka mbërritur në Kryeministri për një takim me kreun e qeverisë Edi Rama.
Presidenti Macron shoqërohej nga delegacioni i tij, ndërsa u prit në hyrje të godinës qeveritare nga Kryeministri Rama.
Pas takimit, Edi Rama së bashku me Presidentin francez do të nënshkruajnë Memorandumin e mirëkuptimit ndërmjet Ministrisë së Turizmit dhe Mjedisit dhe Agjencisë Franceze për Zhvillim për krijimin e një projekti gjithëpërfshirës për turizmin e qëndrueshëm në rajonin e Korçës.
Ndërkohë sot në Tiranë mbahet edhe Samiti Ekonomik Ndërkombëtar, kur Rama dhe Macron do të mbajnë po ashtu fjalën e tyre. Në samtin e sotëm do të jetë i pranishëm dhe dhëndri i presidentit Donald Trump, Jared Kushner dhe ish-kryeministri i Italisë, Matteo Renzi.
