Presidenti i Azerbajxhanit, Ilham Aliyev ndodhet sot në një vizitë të parë në vendin tonë së bashku me një delegacion zyrtarësh të lartë.
Gjatë konferencës së përbashkët me presidentin Bajram Begaj, Aliyev ka njoftuar për mundësinë e dyfishimit të sasisë së gazit që shkon në Europë përmes gazsjellësve TAP dhe TANAP.
“Për herë të parë në vendin tuaj të bukur. Jam besimplotë që kjo vizitë do të japë një shtysë të fortë marrëdhënieve mes Azerbajxhanit dhe Shqipërisë. Kjo hap mundësi shumë të mira për të ardhmen. Gazi i Azerbajxhanit po kontribuon në sigurinë energjitike të Europës. Deri në 2027 kemi planin të dyfishojmë furnizimin me gaz për Europën, sigurisht ky gaz do të kalojë përmes Shqipërisë. Depozitat tona janë shumë të pasura, aktualisht TAP dhe TANAP mund të diskutohet për të rritur kapacitetet e tyre”, tha Aliyev.
