Protesta e Berishës ditën kur në Tiranë do të zhvillohet Samiti i BE-së në Tiranë do të jetë një “turp i madh për një pjesë të Partisë Demokratike”. Kështu deklaroi ish-anëtari i kryesisë së Partisë Demokratike, Roland Bejko i ftuar në emisionin ‘Studio Live’ në Report TV.
Sipas Bejkos, pas Enver Hoxhës, Sali Berisha është politikani më i refuzuar nga Perëndimi dhe se qëllimi i tij real është që të të dëgjohet, por kjo vëmendje do ta largoje edhe më shumë me Perëndimin.
“Me duket se është një protestë që shpreh psiqikën e Berishë në raport me pozicionin që e ka vendosur SHBA dhe Britani e Madhe. Vendete e BE kanë mirëkuptuar vendimin që ka marrë SHBA me Berishën. Do të jetë turp i madh për atë pjesë të PD-së që do të marrë pjesë aty. Qëllimi real është që Berisha të dëgjohet. Pas Enver Hoxhës është politikani më i refuzuar nga Perëndimi. Do të tërheqë vëmendjen“, tha Bejko.
