Nga Eduard Zaloshnja
Barometri i fundit i MRB Hellas & DataCentrum (realizuar me 1600 të anketuar në gjithë terrenin e Shqipërisë) tregoi se 40.5% e banorëve do t’ia jepnin sot votën PS-së. Me ekstrapolim të përafërt të shifrave të sondazhit, rezulton se rreth 760 mijë zgjedhës të këtushëm ia japin qysh sot votën PS-së. Për krahasim, në zgjedhjet e 2021-shit votuan mbi 800 mijë zgjedhës të këtushëm për PS-në.
Sipas Barometrit, 24.9% e banorëve në moshë për votim do t’ia jepnin sot votën PD-së. Me ekstrapolim të përafërt të shifrave të sondazhit, rezulton se rreth 480 mijë zgjedhës të këtushëm ia japin qysh sot votën PD-së. Për krahasim, në zgjedhjet e 2021-shit votuan rreth 650 mijë zgjedhës për PD-në.
Të dyja partitë e mëdha kanë firo votuesish sot, krahasuar me 2021-shin. Por firoja e PD-së është gjigande (170 mijë), ndërsa firoja e PS-së është modeste (vetëm 40 mijë).
