Ministria e Drejtësisë ka publikuar nismën ligjore për aministinë, ku përfitojnë rreth 570 të dënuar. Sipas projektligjit te propozuar nga Qeveria Rama, PUSHOHET ndjekja penale për pjesën më të madhe të kundërvajtjeve penale që dënohen me 2 vite heqje lirie.
Sipas projektligjit, lënë qelinë meshkujt, të cilët janë dënuar deri në tre vite heqje lirie dhe femrat e dënuara deri në katër vite burg, për dënime që janë dhënë para datës 30 qershor të këtij viti.
Po ashtu rifitojnë lirinë burrat, të cilëve nga data e hyrjes në fuqi të ligjit u mbeten edhe 3 vite burg. Njësoj edhe për gratë, të cilave u kanë mbetur katër vite burg.
Amnisti do të ketë për gratë mbi 50 vjeçe, burrat mbi 65 vjeç dhe të miturit. Ndërkohë, një vit ulje dënimi përfitojnë meshkujt dhe një vit e gjysmë gratë dhe të miturit, të cilët nuk përfitojnë amnisti si të tjerët. Përjashtim bëjnë të dënuarit me burg përjetuar, të dënuarit për vrasje dhe ata që janë subjekte të SPAK-ut.
