Deputeti i Partisë Demokratike të Kosovës, Xhavit Haliti, ka folur për situatën në Kosove dhe përpjekjet e vendit për normalizimin e marrëdhënieve me Serbinë, me ndihmën e faktorit ndërkombëtar SHBA dhe BE.
Deputeti kosovar tha se Rama ka bërë gjithçka ka mundur dhe roli i tij në ndihmën e dhënë për Kosovën është për t’u përshëndetur.
“Në gjykimin tim nuk ka nevojë askush që t’i kërkojë kryeministrit të Shqipërisë, Edi Rames që të përpiqet sa më shumë për ta ndihmuar Kosovën. Unë mendoj se ai e ka detyrë dhe është e kuptueshme se ai ka bërë gjithçka ka mundur në këtë drejtim. Kurti si kryeministër i Kosovës do të jetë më bashkëpunues me bashkësinë ndërkombëtare dhe paketa, e cila besoj se nuk është dëmtuese për Kosovën do jetë shtysa e domosdoshme dhe mbase të mos them e fundit, por mund te jetë detyruese në njëfarë mënyre” – deklaroi Xhavit Haliti.
