Kryeministri Edi Rama dhe qeveria e tij ka menduar për t’i bërë më të bukura festat e fundvitit.
Si pjesë e “Paketës së Madhe” e cila do të ndihmojë mbi 1 milionë shqiptare, Rama ka dhënë lajmin e shumëpritur për mësuesit dhe edukatoret të cilët do të marrin shpërblim.
“6045 mësues dhe edukatorë me pagë bruto nën 60 mijë lekë do të përfitojnë një vlerë monetare prej 20,000 lekë (të reja) nga Pakoja e Madhe, ndërkohë që 30,693 mësues dhe edukatorë të tjerë, me pagë bruto mbi 60 mijë lekë falë rritjes së vazhdueshme të pagave, do të marrin 10,000 lekë (të reja) dhe të gjithë së bashku nuk do ta kenë në familjet e tyre shqetësimin e inflacionit të luftës mbi konsumin bazë, në këtë periudhë jo të lehtë për të gjithë“, shkruan Rama.
