Gazetari i opozitës, Basir Çollaku ka deklaruar mbrëmjen e sotme se kryeministri Edi Rama po pret dita ditës që t’i shkojë në zyrë FBI-ja.
Nga studiot e “SYRI TV”, duke shfrenuar imagjinatën, gazetari pranë Berishës deklaron se 5 ministra po bëhen gati për SPAK.
“Ti bëjmë të vëmendshëm ministrat për hallet që ata kanë me veprat penale. Që nga Damian Gjiknuri, Belinda Balluku, Taulant Balla, Arbër Mazniku, Ulsi Manja, ka hetimet që po bëhen ndaj tyre. Kanë nisur. Që nga 2022-2023-2024, SPAK ka bashkëpunuar me institucionet e huaja. Për sa kohë që nga 2022, material që unë kam parë, këto ministra që unë përmenda dhe që janë shpluhrosur në këtë situatë edhe për efekt të ndryshimeve në SHBA, këta zotërinj ka shumë shanse që në 11 maj të jenë dëshmitarë dhe jo kandidatë. Pse nuk del në fushatë Edi Rama, çfarë halli ka që po rri ngujuar, mos po pret që të vizitohet nga FBI. Tani është sy më sy me hetimin dhe FBI”, tha Basir Çollaku.
REALITETI është krejt i kundërt pasi Sali Berisha ka pas vetes vetëm një “grusht” militantësh, kurse Edi Rama dhe Partia Socialiste sipas të gjitha sondazheve po shkon i sigurt drejt fitores së mandatit të katërt.
