Vizita e kryeministrit Edi Rama në Londër, ka pushtuar vëmendjen e mediave britanike.
I drejtpërdrejt si përherë, shefi i ekzekutivit shqiptar nuk i kurseu kritikat ndaj gjuhës së përdorur prej sekretares së brendshme britanike, Suella Braverman, duke e quajtur veçimin e emigrantëve nga Shqipëria si një moment “të turpshëm” për politikën britanike.
“Jam këtu për ta thënë me zë të lartë se shqiptarët janë një komunitet i rëndësishëm që jep kontribut në sektorë si ndërtimi, shërbime, madje këndojnë për ju. Nuk jam këtu të komentoj për një ligj si ai i emigracionit që ka krijuar shumë debate tek ju, por për të tentuar të jap mesazhin se Shqipëria është një vend jashtëzakonisht i bukur ku ne kemi një rritje të turizmit nga ku shohim shumë e shumë britanikë që vijnë si vizitorë”, tha Rama.
