Ish-kryeministri italian, Matteo Renzi, ka komentuar marrëveshjen e bërë publike mes Emirateve të Bashkuara, Shqipërisë dhe Italisë për energjine e ripërtëritshme.
I pyetur më tej nëse kishte pasur të njëjtën marrëdhënie me Ramën në kohën kur ishte kryeministër, Renzi u përgjigj me batuta se nuk ka marrë asnjë dhuratë nga kryeministri shqiptar ashtu si Meloni.
“Nuk më ka dhuruar asnjëherë ndonjë shall dhe nuk më është gjunjëzuar ndonjëherë (qesh), më mirë kështu. Përtej shakave, është bukur që kanë një raport të bukur personal, është bukur të kemi bashkëpunim maksimal por në transparencë dhe në respektim të qytetarëve të mos bëjmë lojëra. Me Ramën unë kam punuar kur kam qenë Kryetar i Këshillit të Ministrave, të gjithë ne duam të kemi një raport të mirë me Shqipërinë por ky raport duhet të mbështetet mbi transparencën” – tha Renzi.
