Furrat e Bukës janë të detyruara që të vendosin etiketa të sakta të produkteve të tyre duke përshirë veç çmimit dhe peshën, në të kundërt do të ndëshkohen me gjobë.
Nga data 15 Nëntor, çdo furrë buke duke të ketë të shënuar, llojin e bukës, peshën dhe çmimin, në etiketat poshtë rafteve të bukës. Kush nuk respekton këtë rregull do të gjobitet me 2 milione leke te vjetra.
Sipërmarrësit pohojnë se me rregullin e ri i jepet fund abuzimit me peshën e bukës por theksojnë se nuk do të ketë rritje të çmimit të bukës duke hedhur poshtë aludimet e fundit.
“Në udhëzimin që ka sjellë inspektorati kemi detyrim të përcaktojmë sa kushton një kg bukë, masive, e verdhë e bardhë, nuk ka ndryshim çmimi as gramaturë, nuk ka lidhje me rritje çmime”, tha Rasim Bela, pronar furre buke.
Rregulli i ri përfshin çdo biznes që tregton bukë dhe qytetarët kanë të drejtë të kërkojnë të peshojnë bukën. Sipas rregullave të inspektoratit teknik çdo subjekt do të duhet të ketë peshoren, ose do të gjobitet.
