Komiteti i Mbrojtjes Civile u mblodh me urgjence për të diskutuar rreth situatës së krijuar nga reshjet me intensitet të lartë gjatë orëve të fundit.
Situata paraqitet kritike veçanërisht në dy qarqet Shkodër dhe Lezhë, ku rreziku për përmbytje është edhe më i lartë, por situata po monitorohet edhe në bashkitë e tjera si: Tiranë, Durrës, Vlorë e Fier. Ministri i Mbrojtjes Niko Peleshi thotë se në bashkëpunim me autoritetet vendore, është dike u monitoruar situata si dhe është rakorduar plani i masave parandaluese për menaxhimin e situatës në vijim.
““Me kryetarët e bashkive dhe Prefektët e këtyre qarqeve rakorduam planin e masave parandaluese dhe lehtësuese për menaxhimin e situatës edhe në orët në vijim, që sipas parashikimit të motit do të jenë me reshje të shumta. Jemi çdo minutë në monitorim të situatës. Ministria e Mbrojtjes, Agjencia e Mbrojtjes Civile dhe Forcat e Armatosura janë në gatishmëri për çdo nevojë të pushtetit vendor dhe qytetarëve”, tha ministri i Mbrojtjes, Niko Peleshi.
