Anëtarët e “Lëvizjes Bashkë” i kanë pritur me protestë deputetët e opozitës përpara Kuvendit të Shqipërisë.
Ata mbanin në duar pankarta në të cilat shkruhej ‘Miratoni minimumin jetik’, thirrje kjo drejtuar ligjvënësve të vendit.
Deputeti i opozitës, Flamur Noka ka kaluar pranë duke u ballafaquar me një qytetar me aftësi ndryshe. Ky i fundit nuk e ka njohur dhe e ngatërroi deputetin e opozitës me të Socialistes, por sidoqoftë nuk ka ngurruar t’i drejtohet, duke i kërkuar llogari edhe atij.
“Opozitë je, por rrogën për vete e bëre”, tha qytetari, frazë të cilës Flamur Noka zgjodhi t’i përgjigjet duke kthyer shpinën.
