Ish-deputetja e PD, Rudina Hajdari thotë se protesta e 12 nëntorit kishte një pjesëmarrje të lartë ndërsa theksoi se Edi Rama tashmë ka humbur popullaritetin.
“E kemi parë reagimin pozitiv që mezi po e prisnin 12 nëntorin, kisha ndjesinë që do dilte akoma më mirë se 7 korriku dhe ashtu doli. Tirana sidomos, kishte një pjesëmarrje goxha të madhe, është shumë e rëndësishme. Është një nga protestat më masive që ka pasur vendi në 20 vitet e fundit. Ajo çka është e rëndësishme, mesazhi që i dha populli shqiptar Edi Ramës është i qartë, që ai nuk e gëzon më popullaritetin që ai mendon që ka me qytetarët shqiptarë”, theksoi Hajdari për Euronews.
REALITETI – Zgjedhjet e ardhshme parlamentare zhvillohen në vitin 2025. Falë votës masive të shqiptarëve, Edi Rama ka fituar për herë të tretë zgjedhjet parlamentare dhe dyshja Berisha-Meta duhet të qëndrojnë në opozitë.
