Kanë kaluar 29 ditë, janë luajtur 63 ndeshje të futbollit më të mirë në botë dhe çdo gjë është ndalur sot kur Argjentina dhe Franca do të luajnë një ndeshje për titullin kampion bote dhe kështu do të ulin perden e një Botërori shumë emocionues në Katar.
Kishte surpriza, lot gëzimi, trishtim dhe festë. Gjithsesi, gjithçka mbyllet me duelin e dy kombëtareve më të mira në botë, që aktualisht janë Argjentina dhe Franca. Tashmë pritjes i ka ardhur fundi dhe këto dy kombëtare do të luajnë sot finalen e Kampionatit Botëror në Katar.
Fituesi i këtij Botërori do të marre 41 milionë euro, kurse nënkampioni do të shpërblehet me 29.2 milionë euro. Vendi i tretë (Kroacia) fitoi 27 milionë euro, kurse vendi i katërt (Maroku) tre milionë më pak, pra 24 milionë euro.