Ish-kryeministri Sali Berisha mbërriti në orën 09:00 të së mërkurës në Prokurorinë e Posaçme, ku do të pyetet për herë të parë për ngjarjen e rëndë të 21 janarit, ku pas një demonstrate u vranë 4 protestues.
Berisha nuk është shoqëruar nga avokati dhe as nga simpatizantët e tij para SPAK.
SPAK kishte vendosur ditën e premte më 21 nëntor si datë kur ish-kryeministri duhet të paraqitej për t’u marrë në pyetje, pasi i dorëzuan për herë të tretë fletëthirrje.
Por Berisha, përmes avokatit të tij Genci Gjokutaj, kishte kërkuar që paraqitja të shtyhej për një datë tjetër për shkak të axhendës së tij jashtë vendit dhe SPAK caktoi ditën e mërkurë për të marrë në pyetje ish-kryeministrin.
