Gazetari shqiptaro-amerikan, Elez Biberaj ka analizuar krizën e brendshme në Partinë Demokratike, duke theksuar se Sali Berisha po e fronon ringritjen e forcës opozitare në vend.
Sipas Biberajt, PD sot mbështetet më shumë te figura e Berishës, sesa te një program i qartë politik.
“Karizma dhe pesha historike e Sali Berishes vazhdojnë të sigurojnë besnikëri, por nuk mund të zëvendësojnë një program të qartë apo një platformë të orientuar drejt së ardhmes”, tha Biberaj.
Sipas gazetarit, ka ardhur momenti që Sali Berisha të japë dorëheqjen dhe t’ia lërë stafetën figurave të reja.
“Largimi i Berishës mund të shkaktojë beteja fraksionesh dhe paqëndrueshmëri afatshkurtër, por më shumë gjasa ka që të gjallërojë opozitën, duke çliruar energjinë dhe talentin e gjatë të shtypur. Partia Demokratike ka tashmë anëtarë të rinj premtues, potenciali i të cilëve është errësuar nga përçarjet e brendshme. Me hapësirë për t’u zhvilluar, ata mund të ndihmojnë në riformësimin e së ardhmes së partisë. Në të njëjtën kohë, Partia Demokratike duhet të zgjerojë bazën e saj duke tërhequr anëtarë dhe zëra të rinj, duke siguruar që rinovimi të mos kufizohet vetëm në ndërrimin e brezave, por të mbështetet në pjesëmarrje gjithëpërfshirëse. Me zgjedhjet vendore në vitin 2027 dhe ato parlamentare në vitin 2029, partia ka një mundësi vendimtare për t’u riorganizuar dhe rindërtuar”, ka thënë ai.
