Ish-deputeti i PD, Ervin Salianji ka reaguar së fundmi në rrjetet sociale, duke iu përgjigjur ashpër deklaratave të Sali Berishës.
Gjatë komunikimit me qytetarët live Berisha u shpreh se nuk mund të pranonin në garën për kreun e PD-së, kandidatë të Ramës.
Në reagimin e tij, Salianji përdori tone të forta dhe akuza të drejtpërdrejta ndaj Berishës, duke e cilësuar atë si “plaku i lumtur në azilin e Ramës.”
Salianji gjithashtu pretendon se Berisha pengon garën brenda PD për shkak të interesave personale dhe lidhjeve me qeverinë, duke theksuar se do të vijojë përballjen politike ndaj tij dhe kryeministrit Rama.
“Të mban Rama në azil luksi, duke të dhënë garanci që ti nuk prekesh nga ligji; prandaj nuk lejon garë. Por do çmontohesh Sali, do çmontohesh si kambalec i Edi Ramës, do çmontohesh si segmenti i keqpërdorur dhe i blerë nga Edi Rama. Do ju çmontojmë të dyve, e ke marrë rrugën,” thekson në postim.
