Sali Berisha komentoi shpalljen “Non Grata” ndaj tij nga Britania e Madhe. Berisha habiti të gjithë duke thënë se do të publikojë fakte të reja për ambasadorin britanik dhe korrupsionin e tij të cilin e quajti “të çmendur”.
“Nuk dua që hapësirën informative ta okupoj me fakte të reja, por ato do dalin dhe shqiptarët do e shohin sa të drejtë kishte Sali Berisha. Lidhur po them me ambasadorin britanik.
Britania e Madhe është shtet ligjor, vërtetë është marrë një masë, por ka një kanal zyrtar ligjor që detyrohesh të apelosh para se të shkosh në gjykatën tjetër. Dhe aty do shihni shkallën ekstreme të korrupsionit të tij, të paimagjinueshme. Vetëm korrupsioni e bën atë”, tha Berisha.
