Kreu i Dhomës së Tregtisë, Nikolin Jaka e vlerëson si një mundësi të jashtëzakonshme projektin amerikan për investim në ishullin e Sazanit. Madje ai propozoi që ishulli të kthehet në një zonë të lirë ekonomike me ndërtesa të larta ku të vendosen selit e kompanive ndërkombëtare.
Jaka propozoi që ishulli i Sazanit duhet të jetë një model i ngjashëm me Hong-Kongun apo Singaporin.
”I shërben Shqipërisë për të qenë edhe ajo “qershia mbi tortë” e ekonomisë shqiptare.Se sa mundur është, unë mendoj se ka gjithmone mundësi reale. Ishulli i Sazanit mund të kishte dalë në ankand ndërkombëtar dhe mund të kishte pranuar ofertat” tha zoti Jaka.
Ndërsa komentoi propozimin e bërë nga Xhared Kushner për ndërtimin e një resorti luksoz në Sazan, Jaka shprehu mbështetjen e tij të plotë për këtë projekt.
