Një mesazh fantastik mirënjohje vjen nga Durrësi, i cili sot më shumë se kurrë solidarizohet me popullin turk pas tërmetit tragjik.
Jo vetëm kryeministri Edi Rama por edhe shqiptarët janë mirënjohës ndaj Turqisë dhe Erdoganit i cili ndërtoi falas 500 banesa në Laç, familjeve të cilat u prekën nga tërmeti i 26 nëntorit. Durrsakët shprehen të gatshëm të hapin dyert e shtëpisë për ata që lëkundjet e tokës i lanë në qiell të hapur.
“Njeriu për njeriun bën gjithçka që mundet, sidomos për njerëzit që na kanë ndihmuar e u jemi borxhli. Siç na i kanë hapur dyert, kur na ndodhi tërmeti ne edhe ne jemi të gatshëm t’ua hapim njerëzve të tjerë që u ka ndodhur kjo fatkeqësi” – u shpreh një qytetar.
“Ne tre veta jemi, 3 dhoma një kuzhinë, le të vijnë. Gati jemi t’i lirojmë dhomat, se janë gjynah. Mes borës dhe ftohtit kanë mbetur, gjynah” – u shpreh një zonjë nga Durrësi.
