Kryeministri Edi Rama ka bërë me dije se festave të nëntorit do t’i bashkohet edhe koncerti “Folk Fest”.
Rama thekson se e gjithë shqiptaria do të ngjitet në skenë me pjesëmarrje të grupeve nga Kosova, Maqedonia e Veriut dhe Arbëreshët.
“111 vjet pavarësi. Festat e Nëntorit do të vijnë ndryshe këtë herë me shqiptarët e mbledhur nga e gjithë Diaspora, që do të bashkohen në paradën e traditës në 28 Nëntor, në Sheshin Skënderbej, për të vijuar më pas me koncertin “Folk Fest”, ku e gjithë shqiptaria do të ngjitet në skenë me pjesëmarrjen e grupeve nga Shqipëria, Kosova, Maqedonia e Veriut dhe Arbëreshët”, shkruan Rama.
Kujtojme qe më 22 dhe 23 nëntor në Tiranë do të mbahet eventi i Ditës Arbëreshe dhe Samiti i III të Diasporës. Lajmi u konfirmua nga kryeministri Edi Rama i cili shkruan se Kongresi i Arbëreshëve dhe Samiti i Diasporës do të shërbejnë si pikëtakimi për t’i dhënë vëmendjen që meriton shqiptarëve në fusha të ndryshme.
