Shqipëria këtë vit ka pritur turistë nga e gjithë bota, ndërsa shumë media prestigjioze ndërkombëtare e kanë sugjeruar atë për t’u vizituar.
Sipas një raporti të Airport Councils International (Këshillat Ndërkombëtarë të Aeroporteve), konfirmohet se Shqipëria ka zënë vendin e parë në Europë për rritjen e numrit të pasagjerëve të aviacionit civil sa i takon muajit korrik.
Sipas shifrave, Shqipëria renditet e para me një rritje 116.6%, në krahasim me vitin 2019. Kështu Shqipëria ka lënë pas ndër vendet më të zhvilluara në Bashkimin Europian por edhe në Ballkan në sektorin e turizmit. Rama vlerëson këtë rritje duke thënë se ‘Shqiponja’ po fluturon lart.
“Përsëri në krye edhe në muajin korrik për rritjen e numrit të pasagjerëve të aviacionit civil në Europë. Shqiponja po fluturon lart”, shkruan Rama.
