Anketa e parë e Notosondaggi në “News24” ka treguar se si orientohet vota e kryeqytetasve për zgjedhjet në Bashkinë e Tiranës, kjo pas shkarkimit të Erion Veliajt.
Sipas qytetarëve të pyetur nga instituti italian i Antonio Notos, duket se gara në Tiranë ndahet me një rezultat të ngushtë mes Ogerta Manastirliut dhe Florjan Binajt.
Sipas të anketuarve, mbështetja për Ogerta Manastirliun e cila mbështetet nga PS, varion në 44% të votuesve të anketuar. Kjo mbështetje llogaritet mes 42% minimalja dhe maksimalja shkon deri në 46 për qind.
Sa kaq, Florjan Binaj duket se është kandidat potencial me një diferencë të ngushtë me Ogerta Manastirliun. Sipas sondazhit, orientimi i votës tregon se Florjan Binaj rezulton të ketë një mbështetje deri në 42 për qind. Sipas të pyeturve mbështetja për Florian Binajn varion nga 40 % deri në 44 për qind.
