Kreshnik Spahiu komentoi në Report TV akuzat e Sali Berishës ndaj ish-ambasadores Yuri Kim.
Spahiu thotë se Berisha ka informacione se ajo do të marrë një post shumë të rëndësishëm në administratën Trump dhe ish kryeministri po i paraprin duke e sulmuar, pasi në të ardhmen SHBA nuk do t’ia heqë ‘non gratën’.
“Yuri Kim ka besimin fuqiplotë të presidentit aktual Donald Trump dhe u autorizua për të ngritur SPAK. Në emër të Trump ngriti SPAK dhe e asistoi me të gjithë mjetet financiare, njerëzore. Pse Berisha e fillon sulmin duke goditur Yuri Kim? Ajo është diplomate karriere dhe sulmet e Berishës do ta motivojnë administratën e Trump që ta promovojë në funksione të larta. Në dijeninë time Yuri Kim do jetë në funksion të lartë të administratës së afërt të Trumpit. Çfarë do ndodh kur ky emërim të bëhet publik? Sigurisht Berisha i paraprin për të konsideruar se është Kim që do ndikojë nesër në mos ndryshimin e qëndrimit të Trump. Ka rrethana juridike që nuk e ndryshojnë non gratën”, tha Spahiu.
