Studentët e mjekësisë kanë paralajmëruar protesta ditën e martë ku përkon dhe me vizitën e ish presidentit amerikan Bill Klinton, i cili do të jetë në Shqipëri me rastin 4 korrikut, ditën e Pavarësisë së Amerikës.
Ata kanë zhvilluar dy protesta deri më tani për të kundërshtuar kontratën detyruese, që pas përfundimit të studimeve të ofrojnë shërbim shëndetësor në spitalet e vendit, atje ku nevojat janë më të mëdha.
Propozimi është i tillë që studentët që nisin vitin e parë në mjekësi në tetor do të lidhin kontratë për të ofruar shërbim shëndetësor për 5 vite në vend. Ndërsa për studentët që janë duke e ndjekur mjekësisë aktualisht, detyrimi mund të jetë 3 vjet ose mund të lihet në dorën e tyre të ofrohen vullnetarisht. Drafti është ende duke u përpunuar ndërkohë që kryeministri Rama ka kërkuar që brenda një jave të dorëzohet drafti përfundimtar.
