Agjencia Kombëtare e Mbrojtjes Civile ka paralajmëruar disa qarqe për reshje të dendua shiu dhe stuhi.
Sipas parashikimit nga ekspertët e Institutit të Gjeoshkencave: Qarqet Kukës, Dibër, Lezhë, Durrës dhe Tiranë priten reshje intensive, ndërsa në qarqet Elbasan, Fier dhe Berat do te kete reshje mesatare.
“Parashikimi nga ekspertët e Institutit të Gjeoshkencave ‘IGJEO’ tregon se sot (e mërkurë, dt.08 nentor) priten reshje shumë intensive në qarkun Shkodër.
Në qarqet Kukës, Dibër, Lezhë, Durrës dhe Tiranë priten reshje intensive, ndërsa në qarqet Elbasan, Fier dhe Berat priten reshje mesatare.
Shtrëngatat dhe intensiteti i lartë i reshjeve për momente të shkurtra mund të krijojë probleme të ndryshme si dhe vërshime të ujit në zonat urbane në varësi të sistemit të kanalizimeve në qarqet Shkodër, Kukës, Dibër, Lezhë, Durrës dhe Tiranë”, njofton Agjencia Kombëtare e Mbrojtjes Civile.
