Shtëpitë me qira ditore janë një nga alternativat e preferuara të turistëve për t’u akomoduar, kur vizitojnë një vend të huaj.
Kjo formë është mjaft e përhapur edhe në Shqipëri, ku çdokush që zotëron një apartament apo edhe një vilë, mund ta reklamojë atë në platformat si ‘Airbnb’, ‘Booking’ apo dhe në rrjetet sociale, për ta dhënë me qira.
Deri më tani, për këto individë nuk ka qenë i nevojshëm deklarimi, por përmes një projektligji të ri që qeveria ka hedhur për konsultim publik, kërkohet regjistrimi i biznesit.
Deklarimi i të ardhurave, do t’i japë mundësi personave që të zgjerojë edhe më tej kete lloj biznesi.
“Thash që jam pro kesa takse sepse jam pro një ekonomie të formalizuar, jam pro që biznesi im të merret parasysh në momentin që unë kam nevojë të marr një kredi në bankë apo për ta zmadhuar si biznes. Në komentin qe biznesi im figuron si një biznes i padeklaruar unë automatikisht jam një person i papunësuar dhe në momentin që unë kam shkuar në bankë dhe kam treguar invoicet që unë paguaj në Booking dhe airbnb nuk më janë marrë parAsyh, pasi ajo është mardhënia që unë kam me kompanitë e tjera dhe sidomos banka shqiptare nuk i merr parasysh fare këto lloj të ardhurash”, tha Krraba ne nje reagim per Top Channel.
Në draft përcaktohet që subjektet të cilat nuk zbatojnë ligjin do të gjobiten me 20 deri në 50 mijë lekë te reja për ata që kanë nga 1-5 dhoma. Deri në 15 dhoma kjo vlerë do të shkojë në 100 mijë lekë te reja, mbi 16 dhoma me 200 mijë lekë e deri në 400 mijë lekë për më shumë.
