Dhjetëra efektivë e punonjës të pastrimit të Bashkisë kanë zbarkuar pasditen e kësaj të diele para Kryeministrisë, aty ku prej një jave disa nga protestuesit kanë kaluar natën të ulur në stola. Ndërsa raportohet për përplasje mes qytetarëve dhe efektivëve.
Paraprakisht bëhet me dije se Policia ka ndërhyrë për të larguar protestuesit nga zona, ndërsa më pas thuhet se janë sekuestruar dhe stolat metalikë që përdoreshin nga qytetarët si dhe punonjësit e bashkisë kanë vazhduar me pastrimin e zonës, që ka shkaktuar debat mes palëve.
Sapo punonjësit e bashkisë kanë ndërhyrë duke pastruar ambientet përreth, duke grumbulluar dhe këpucët që protestuesit kishin lënë në shkallët e jashtme të Kryeministrisë. Pas kësaj, qytetarët janë revoltuar duke u shprehur se kjo është vjedhje e vullnetit popullor.
Ndërkohë që punonjësit e bashkisë mblidhnin këpucët, qytetarët kanë ndërhyrë duka ua marrë qeset nga duart nga të cilat nxorrën këpucët të cilat i morën dhe i hodhën në drejtim të Kryeministrisë.
Sapo situata u tensionua, efektivët e pranishëm ndërhynë duke u munduar të neutralizonin situatën e krijuar. Ndërsa ndërhyrja e efektivëve ka shkaktuar irritim te të pranishmit të cilët janë dëgjuar duke folur me tone të larta e të ashpra: Mos i prekni gocat. Ku i keni policet femra?
“Mos i prekni këpucët. Kjo është vjedhje e vullnetit popullor. Mos i prekni gocat. Ku i keni policet femra? Ku është procesverbali i këpucëve. Mos e prekni gocën se është territor publik. Kjo është dhunë policore. Mos i hiqni këpucët e qytetarëve se është i vetmi kujtim që ata kanë” dëgjohet duke thënë qytetari.
Ndërsa pritet që pasditen e sotme të mbahet protesta e 29-të para Kryeministrisë, ku ashtu si prej disa ditësh qytetarët protestojnë duke kundërshtuar investimet amerikane në Zvërnec. Ndërsa këmbëngulin që të kenë ndryshim të klasës politike.
