Ministri i Drejtësisë Ulsi Manja ka zhvilluar një takim me zëvendëskryeministrin britanik dhe njëkohësisht Sekretar i Shtetit për Drejtësinë dhe Lordi Kancelar për Mbretërinë e Bashkuar, Hon Dominic Raab.
Gjatë këtij takimi, Manja bën me dije se biseduan për bashkëpunimin në fushën e drejtësisë, luftës kundër krimit të organizuar dhe për zbatimin e marrëveshjes dypalëshe në fushën e ekzekutimit të vendimeve penale.
“Londër- me Rt Hon Dominic Raab, Zëvendës Kryeministër, Sekretar i Shtetit për Drejtësinë dhe Lordi Kancelar për Mbretërinë e Bashkuar, biseduam për të çuar përpara bashkëpunimin në fushën e drejtësisë, luftës kundër krimit të organizuar dhe për zbatimin e marrëveshjes dypalëshe në fushën e ekzekutimit të vendimeve penale, e cila është në fuqi që prej vitit 2021”, shkruan Manja.
