Kryeministri Edi Rama dhe Lulzim Basha, prej disa ditësh, vijojnë replikat në distancë mes tyre, me nota satirike dhe ironi.
Së fundmi, Rama i përgjigjur Bashës, pas një videoje që ky i fundit ka postuar nga Athina, ku e pyet si çdo herë “ku i ke shokët”, duke iu referuar funksionarëve dhe ish-funksionarëve të PS që janë para dyerve të drejtësisë.
Rama e replikon duke i thënë “Edhe në fund të botës me ik, me një vrimë i bie atij fyelli. Po boll se nuk e ke kuptuar hala më duket që nuk ke as fyell më. Bufi ta dha e bufi ta mori. Të nxora nga vrima, po fyellin tim nuk ta jap dot. Kështu që jepi drejtim, artist, jepi gaz. Ndërroje shiritin se erdhi 11 maji. Ngele me Hysenin e Pëllumbin”.
Ironi mes tyre ka patur edhe për projektin e transportit publik, konkretisht tramvajit, të cilin sipas Bashës, Rama e ka refuzuar se nuk vidhte dot.
Por, në përgjigje, Rama i thotë Bashës se “më kërkuan tram këtu në Vlorë, po u thashë tramin vetëm Luli mund t’ua bëjë. Unë me tramin tat larg qoftë, ajo është vepra jote. Ne mezi e kishim prit atë tram dhe sot s’ka qytetar në Tiranë që nuk të bekon kur hyp në tram.”
