Kryeministri Edi Rama ka sqaruar se nuk është i përfshirë në drejtimin e Bashkisë së Tiranës pas arrestimit të kryebashkiakut Erion Veliajt.
Rama theksoi se angazhimet e tij në Bashkinë e Tiranës kanë përfunduar që në vitin 2011 dhe se ai nuk ka lidhje me drejtimin e këtij institucioni.
“Të uroj fitoren por pak më serioz. Shikoj që ke disa punë atje në bashki…”, ishte komenti i një qytetareje të quajtur Rozana.
Rama iu përgjigj: “Nuk e drejtoj unë bashkinë. Unë punët në Bashki i kam mbyllur në 2011, nuk jam kryetari i Bashkisë së Tiranës”
Kujtojmë që kryebashkiaku i Tiranës Erion Veliaj është arrestuar me urdhër të SPAK më 10 shkurt. Pas arrestimit të tij, kryeministri Rama ka vizituar disa herë bashkinë.
