Kryebashkiaku Veliaj tha se PS me 14 maj korri fitore edhe te tre zonat ku Foltorja kishte shpresa të mëdha, si Kombinati, Astiri dhe “5 Maji”.
Veliaj theksoi se PD tregoi gjatë qeverisjes së saj që nuk ishte e aftë të bënte asnjë shkollë të re, ndërsa në 8 vitet e fundit në kryeqytet janë bërë 40 shkolla të reja.
“Janë 4 shkolla përnjëherë. Kemi çliruar 3 territore, po çlirojmë edhe të fundit, jemi në fund të atij procesi por për sa kohë që janë çliruar 3, ajo që ndoshta do bëj është që do ia jap dritën jeshile të bëhet loti me 2 pjesë. Tre të parat dhe pastaj tjetra. Nuk do e lë këtë Bashki pa zgjidhur Astirin, por dua të kujtoj që kur erdha në Bashki, s’ishte zgjidhur Astiri, Fresku. Sot Fresku ka shkollën “Klodian Tanushi”, “Luan Hajdaraga””, deklaroi Veliaj.