Me vendim qeverie flamuri shqiptar është ulur sot në gjysmë shtizë pasi 5 marsi është shpallur ditë “zie kombëtare” në nderim të viktimave që humbën jetën në përplasjen e trenave në Greqi.
Tragjedia ndodhi në Tempe, në afërsi të Larisës, ku pas përplasjes së dy trenave humbën jetën 57 persona, ndërsa mes viktimave janë edhe 4 shqiptarë. Viktimat shqiptare janë identifikuar si Ifigjenia Micka, Pavlin Bozo, Joanis Xholla dhe Klaudia Lata.
“Tragjedia e Greqisë është edhe tragjedia jonë, dhimbja për jetët e humbura në aksidentin e tmerrshëm është edhe jona dhe ky është një nga ato momente jetësore, kur një humbje e madhe tek fqinji të tregon më shumë se sa njëqind gëzime që jetët tona janë të ndërlidhura pazgjidhshmërisht. Ditën e dielë, Shqipëria do të nderojë me ditë zie viktimat e tragjedisë, duke u bashkuar simbolikisht me Greqinë mike me flamurin kombëtar të ulur në gjysëm shtize”– shkroi Rama.
