Në mbledhje e Këshillit Bashkiak të Elbasanit u diskutua për rritjen e çmimit të ujit të pijshëm. Sipas Ndërmarrjes së Ujësjellësit në Elbasan, kostoja e prodhimit dhe e shpërndarjes është shumë më e lartë se çmimi dhe e papërballueshme.
Aktualisht konsumatorët familjarë paguajnë për ujin e pijshëm 40 L/m3. Ndërmarrja e Ujësjellësit ka kërkuar çmim të unifikuar për 6 bashkitë e qarkut Elbasan 60 L/m3.
Deri tani Elbasani ka qenë një nga qytetet me çmimin më të ulët të ujit të pijshëm në vend. Ndërmarrja e Ujësjellësit gjithashtu argumenton se në qytet është duke u kryer investimi më i madh dhe brenda vitit 2025 shumica e qytetit do të furnizohet 24 orë me ujë.
Pas debateve Këshillit Bashkiak dha pëlqimin e 26 anëtarëve, ndërsa vendimin përfundimtar për rritjen e çmimit të ujit e merr ERRU.
