Kukësi përfshihet nga moti i keq me erë dhe reshje bore në pranverë, si dhe ulje e ndjeshme temperaturash.
Reshje bore ka në segmentin Fushë-Dugagjin – Tuneli i Kalimashit. Lëvizja e mjeteve bëhet normalisht ndërsa mjetet borëpastruese ndodhen në terren për monitorimin e rrugëve.
Deri më tani zonat si Arrën, Shishtavec, Kalisë, Gryk Çajë, Zapot, Topojan, Kishaj, Cahan, Valbonë, Dragobi nuk paraqesin probleme në lëvizje pavarësisht se bora ka arritur deri në 5 cm.
Të gjitha akset rrugore nacionale janë të qarkullueshme normalisht ndonëse nën trysninë e rënies së gurëve dhe inerteve. Firmat mirëmbajtëse po punojnë për largimin dhe pastrimin e akseve më problematike.












